مستغربة جدا ان الحب لحد دلوقتى مرتبط عندنا بالفلوس000 بتحبنىي يعنى تجيب ليا وتعمل ليا00ولو مش دفعت دم قلبك تبقى مش بتحبنى بجد !!
ومستغربة اكتر ان لسة بنشوف ان تقدير الراجل للانسانة اللى عايز يتجوزها بالفلوس00
والاهل بيقيسوا هو اد اية شاريها برضة بالفلوس000من اول المهر والشبكة ومصاريف الجواز والشقة
وكل نقطة من دول تحتها بند مش بيخلص
يعنى انا عن نفسى بستحرم جداا لما بروح فرح وبحس ان فلوس كتير جداا اتصرفت فى الهوا
ال يعنى الناس هتاكل وش العروسة لو مش عملت بوفية مفتوح
ما الى جعان ياكل فى بيتة وخلاص هو هيقرفنا لية بأكلة
ولا يجبلهم سندويتش جبنة وحاجة ساقعة لو جعانين اوى كدة 0000!!!
وبصراحة كمان بضايق لما الناس بتبصلى بصة غريبة لما بقول انا لما اتخطب مش عاوزة اعمل فرح كبير 000 كفاية انى اكون مع حبيبى وخلاص
يعنى هصرف فلوسى على الناس لية ؟ ؟
ما آخد الفلوس دى استفيد بيها 000 اتفسح بيها انا وهو او نجيب بيها حاجة افيد مثلا
وبعدين حتى لو عملت الفرح فى فندق 100 نجمة برضة مش هيعجب 000 وهتلاقى الناس بتتكلم برضة
( مالاقوش فى الورد عيب قالوا دة احمر الخدين )000 وما دام كدة كدة هيتكلموا000 يبقى خسارة فيهم الفرح
والى يغيظ فعلا ان الاهل بيقيسوا ضمان مستقبل بنتهم بالفلوس00ويقولوا على الاقل لو طلقها تبقى مخسرتش كتير ومعاها قرش تصرف منة على نفسها
طيب ما هما لو شايفين ان العريس دة مش اد كدة ما بلاش منة احسن من الاول 00
نفسى كلمة الافلام العربى ( احنا بنشترى راجل ) تبقى بجد ويختاروا لبنتهم الى يسعدها برضة
مش الى يشتريها بفلوسة000يعنى يهتموا بية وبشخصيتة000 ولو لزم الامر يساعدوة كمان بالفلوس
ما هو زى ابنهم برضة ولسة فى بداية حياتة
الفلوس حلوة ونعمة والى يكرها يعمى مش قلنا حاجة
بس هتفضل وسيلة مش غاية000 شايفة اننا محتاجين قوى نرجع لمشاعرنا الى الفلوس داست عليها
الصراحة الفلوس داست على كل حاجة وجتعتها تجتيع يابووووووووووووووى
دة راىء شخصى بحت
انا الان اطرح الموضوع للمناقشة
وفى انتظار مشاركتكم
واذا كنتى زائرة فيسعدنا تسجيلك والانضمام لأسرتنا الجميلة
